Камянец. Помнік архітэктару градарубу Алексе

У гістарычным цэнтры Камянца паміж царквой Святога Сімяона і Камянецкай вежай знаходзіцца помнік архітэктару градарубу Алексе. Згодна Іпацьеўскага летапісу ў 13 стагоддзі валынскі князь Уладзімір Васількавіч адправіў валынскага градабудаўніка Алекса ў верх па раке Лясная для выбару зручнага месца для крэпасці, якая б абараняла межы валынскага княства. І ў 1276 годзе Алекса пабудаваў горад, які назвалі Камянец.

Помнік паставілі 1990 годзе ў самым цэнтры Камянца. Адкрыццё помніка адбывалася ўрачыста і вось, як пра гэту падзею паведаміла мясцовая газета: «Гістарычную частку нашага старажытнага Камянца нядаўна ўпрыгожыла бронзавая кампазіцыя, прысвечаная яго заснавальніку, саратніку князя Уладзіміра Валынскага – Алексу. Аўтар скульптуры – выкладчык Беларускага тэатральна – мастацкага Інстытута Аляксандр Іванавіч Лышчык, для якога гэтая работа асабліва дарагая: Камянец – яго радзіма і таму ён працаваў над кампазіцыяй з асаблівым натхненнем.» Мясцовыя жыхары называюць помнік вельмі проста -«Зубр».

 Аўтар – Аляксандр Іванавіч Лышчык, вядомы беларускі скульптар, работы якога знаходзяца па ўсёй нашай краіне і за мяжой. Ёсць тут таксама такое павер'е, што калі апынецеся побач з помнікам, то варта пацярэць рогі ў зубра на ўдачу.