Равяцічы. Пакроўская царква

У мястэчку Равяцічы Бярозаўскага раёна знаходзіцца драўляная Пакроўская праваслаўная царква.  У часы Вялікага Княства Літоўскага мястэчка ў 16 стагоддзі ўваходзіла ў Кобрынскую эканомію.  Пасля трэцяга падзелу Рэчы Паспалітай у складзе Расійскай імперыі. Было часткай Гродзенскай губерніі Пружанскага ўезда.

У цэнтры мястэчка ў 1933 годзе была пабудавана драўляная праваслаўная царква. Храм асвяцілі ў ганар Пакрава Прасвятой Багародзіцы.

 Помнік узведзены ў традыцыях народнага драўлянага дойлідства. Будынак складаецца з тох асноўных частак: прытвор, малітоўная зала і апсіда. Над прытворам надбудавана васьмігранная вежа – званіца. Над алтарнай часткай васьмігранны барабан з шатром – цыбулінай. У інтэр'еры ёсць драўляны іканастас з царскімі брамамі, якія аздоблены раслінным арнаментам.

Ёсць старажытныя абразы 18 – 19 стагоддзяў: «Успенне Багародзіцы», «Благавешчанне святой Ганны», «Маленне аб чашы», «Узнясенне Гасподняе», «Праабражэнне Хрыстова» і іншыя.

 У апошнія гады ў царкве праведзены рамонт. Зроблены новы дах і пакрыццё купалоў. Добраўпарадкавана прылеглая тэрыторыя.