Малеч. Царква Святога Сімяона Стоўпніка

У мястэчку Малеч Бярозаўскага раёна знаходзіцца ў цэнтры паселішча мураваная праваслаўная царква. Упершыню мястэчка ўпамінаецца ў дакументах у часы Вялікага Княства Літоўскага ў 16 стагоддзі і ў гэты час тут пабудавалі першую царкву.

Храм быў узведзены ў 1887 годзе па праекту 1880 года архітэктара з Расіі Пятра Залатарова. Помнік узведзены ў стылі эклектыкі сінадальнага накірунку і мае падоўжана – восевую кампазіцыю.

Будынак складаецца з чатырох асноўных частак: прытвор, трапезная, малітоўная зала і апсіда. Над прытворам надбудавана васьмігранная вежа – званіца: васьмярык на чацвярыку.

 Над асноўным аб'ёмам узвышаецца васьмігранны барабан, які завершаны купалам – цыбулінай. У інтэр'еры маецца драўляны іканастас і старажытныя абразы 17 – 19 стагоддзяў. У іканастасе знаходзіцца абраз 17 стагоддзя «Сімяона Стоўпніка», абразы 18 – 19 стагоддзяў «Пакрава», «Мікалай Цудатворац», «Святы Пётр і Павел», «Тры свяціцелі», «Тайная вячэра», «Наталля і Аляксей – людзі Божыя» і іншыя.

 Царква ў апошнія гады адрамантавана. Перад храмам узведзена брама