Першамайская. Царква Святога Мікалая

У Бярозаўскім раёне зусім побач з раёным цэнтрам на чыгуначнай лініі ёсць мястэчка Першамайская. Назва гэта новая, а само мястэчка старажытнае. Справаў тым, што да 1964 года назва мястэчка была Блудзень.

Упершыню ў дакументах Малы Блудзень і Вялікі Блудзень упамінаюцца ў 16 стагоддзі. У 1590 годзе Блудзень каралева Ганна Ягелонка падаравала магнату канцлеру Льву Сапеге. У 17 стагоддзі мястэчка належыла Ізабэле Хадкевіч. Затым мястэчка было дзяржаўнай уласнасцю і лічылася асобным стараствам. Пасля трэцяга падзелу Рэчы Паспалітай у складзе Расійскай імперыі і ў 19 стагоддзі было ўласнасцю Іосіфа Здзіхоўскага. У 1890 годзе мястэчка і маёнтак належылі Соф'і Здзіхоўскай.

Новая мураваная праваслаўная царква была пабудавана ў 1887 – 1903 гадах. Храм асвяцілі ў гонар Святога Мікалая. Першая царква ў мястэчку была пабудавана яшчэ ў 17 стагоддзі і па дакументам тут упамінаецца 2 праваслаўныя царквы. У 19 стагоддзі было 4 праваслаўныя храма і капліца. Царква Аляксандра Неўскага была на могілках і дзве невялікія царквы ўзведзены каля чыгуначнай станцыі.

Нікольская царква была значна пашкоджана ў час Першай сусветнай вайны. Храм адбудавалі ў гады Польскай дзяржавы ў 1920 – 1930–я гады. Зачынілі царкву ў 1939 годзе з прыходам савецкай улады. Была разабрана вежа–званіца, а ў памяшканні зрабілі пякарню. Званіцу адбудавалі ў царкве ўжо пасля развала Савецкага Саюза.