Пескі. Касцёл Маці Божай Ружанцовай

У Мастоўскім раёне ў цэнтры у мястэчка Пескі пабудаваны мураваны каталіцкі касцёл. Храм асвячоны ў гонар Маці Божай Ружанцовай. Мястэчка Пескі вядомая з 17 стагоддзя з часоў Вялікага Княства Літоўскага. У той перыяд гэта было ўладаннем Сапегаў.

Пры Сапегах і быў пабудаваны першы касцёл у 17, або 18 стагоддзях. У часы Расійскай імперыі ў 1857 годзе, або ў 1877 годзе, быў узведзены апошні драўляны каталіцкі касцёл. Фундатарам храма быў граф Вацлаў Красіцкі.

У перыяд 1900 – 1914 гадах на месцы драўлянага касцёла будуецца новы мураваны каталіцкі храм за сродкі прыхаджан. Будынак узведзены ў стылі неаготыкі з бутавага камяня па праекту інжынера Даніева. Перад Другой сусветнай вайной прыход складаў паўтары тысячы чалавек. Пасля вайны касцёл зачынілі ў 1945 годзе і памяшканне прыстасавалі пад склад для збожжа. Касцёл перадалі вернікам толькі напрыканцы існавання Савецкага Саюза ў 1989 годзе. Пачалася рэстаўрацыя, якая была скончана ў 1997 годзе.

 Помнік аднавежавы, трохнефны храм базілікальнага тыпу з трансептам і пяціграннай апсідай. У інтэр'еры знахолдзіцца тры алтары, якія выкананы ў стылі неаготыкі. Алтары зроблены ў 1993 годзе мастаком Ф.Стрыецкім. Тытульны галоўны алтар Маці Божай Ружанцовай. Правы алтар – Найсвяцейшаму Сэрцу Панам Езуса. Левы алтар – Святога Максімільяна Кольбэ. Маюцца арганныя хоры.