Масты. Падвесны мост.

Галоўны гонар і вядомая славутасць горада Масты - пешаходны мост, які з'яўляецца самым працяглым у Беларусі.

Гэты вісячы мост, безумоўна, - сімвал горада. Збудаваны ў 1972 годзе, ён злучыў дзве часткі горада, замяніўшы сабой лодкавую пераправу і пантонны мост.

У сярэдзіне 90-х гадоў мост быў рэканструяваны: драўлянае пакрыццё замянілі, усталявалі новыя парэнчы і тросы.

У маі 2024 года пачалася маштабная рэканструкцыя, у выніку якой частка моста была выканана са шкла. Канструкцыю старога моста разабралі, абнавіўшы падвесны мост на 95%. Ад старой пераправы засталіся толькі пілоны, якія цалкам абшылі новым металам.

2 мая 2025 года, напярэдадні 80-годдзя Вялікай Перамогі, адбылося ўрачыстае адкрыццё абноўленага падвеснага моста праз Нёман. Гэта падзея была доўгачаканай для жыхароў горада. Непасрэдна побач з мостам пачынаецца любімая гараджанамі лесапаркавая зона, якая працягваецца і на другім беразе ракі. Мастаўчане з нецярпеннем чакалі, калі мост зноў звяжа берагі, і з разуменнем ставіліся да будаўнічых работ, назіраючы за нараджэннем унікальнага збудаванні – гэтак доўгага, сучаснага і прыгожага пешаходнага моста, адзінага ў сваім родзе ў краіне.

Апорная канструкцыя моста ўяўляе сабой двухцепную однопролетную падвесную сістэму з неразрезной бэлькай калянасці. Пешаходная частка выканана з террасной дошкі, дапоўненай шклянымі элементамі. Даўжыня моста складае каля 193 метраў, шырыня – 1,6 метра. Асвятленне моста забяспечваюць прыкладна 450 свяцілень.