Ворша. Царква Раства Багародзіцы

У Воршы паміж замкавай гарой і касцёлам Святога Язэпа знаходзіцца праваслаўны храм 17 стагоддзя царква Раства Багародзіцы. Царква будуецца ў 1661 годзе. Будынак рамантавалі ў пачатку 19 стагоддзя. Перад царквой была пабудавана мураваная званіца. У савецкія часы царква зачыняецца, а ў 1961 годзе будынак знесены. Праводзіліся археалагічныя раскопкі на падмурках царквы ў 1994 – 1995 гадах. І ў пачатку 2000- х гадоў храм быў адбудаваны. Царква помнік архітэктуры ў стылі барока з элементамі класіцызма. Будынак цэнтрычны, кубападобны аб'ём, які завяршае паўсферычны купал. Над купалам узвышаецца васьмігранны ліхтар.Такія ж чатырохгранныя вежы пабудаваны па вуглам асноўнага аб'ёму. Архітэктурны стыль барока добра праглядаецца ў пластыцы веж і авальных люкарнях у аснове купала. А рысы класіцызму добра бачныя у аднолькавых кампазіцыях фасадаў, якія завершаны трохвугольнымі франтонамі, у антамблеменце з дарычным фрызам і парных паўкалонах. Царква мае галоўны і два бакавыя ўваходы. Інтэр'ер быў аздоблены ў стылі позняга барока. У сутарэннях храма была крыпта з пахаваннямі.