Ворша. Ільінская царква.

На левым беразе Дняпра недалёка ад Куцеінскага манастыра была пабудавана ў 1880 годзе мураваная Свята – Ільінская царква. Першая царква ўзведзена драўляная і датуецаа 15 стагоддзем. Паводле падання, гэта царква Святога Ільі была пабудавана па загаду караля і Вялікага князя Казіміра ў гонар выратавання яго жонкі Елізаветы, якая купалася ў дзень прарока Ільі і ледзь не патанула. І вось у гонар яе выратавання Казімір загадаў будаваць па ўсёй краіне цэрквы Святога Ільі. Прыхаджанамі былі жыхары Ільінскай слабады ў задняпроў'і. Ільінская царква - гэта помнік архітэктуры рэтраспектыўна – рускага стылю. Акрамя царквы ёсць яшчэ некалькі культавых і гаспадарчых пабудоў. Тэрыторыя храма абнесена мураванай агароджай у 19 стагоддзі. Варта звярнуць увагу на контрфорсы па вуглам агароджы, якія маюць паўкруглую форму. У мураванай агароджы ў падмурку закладзены памятны камень з надпісам , які датуецца 17 стагоддзем. Кананічную чатырохчасткавую кампазіцыю храма складаюць наступныя часткі: прытвор – званіца, трапезная, малітоўная зала і пяцігранная апсіда з бакавымі рызніцамі. Уваход у царкву з галоўнага фасада вылучаны традыцыйным для рускага храмавага дойлідства 17 стагоддзя чатырохслуповым рундуком, які завершаны гранёным шатром з макаўкай. Архітэктурнай дамінантай з'яўляецца шматярусная званіца. У інтэр'еры царквы ёсць шматлікія старадаўнія абразы. Вакол храма захаваліся старыя пахаванні святароў і прыхаджан. Зараз пры царкве Святога Ільі знаходзіцца жаночы Свята – Успенскі манастыр.