Забор'е. Царква Мікалая Цудатворца.

Самая першая драўляная царква ў Забор'і з'явілася ў 1739 годзе. У 1876 годзе, згодна з указам Імператарскай археалагічнай камісіі, з-за яе струхлеласці храм быў зачынены. Паколькі непадалёк ад Забор'я, у вёсцы Мамаі, у 1869 годзе была паўторна асвечана Свята-Праабражэнская царква, пытанне аб узвядзенні новага прыходскага храма быў часова зняты з парадку дня.

Толькі ў 1916 годзе ў Забор'і ўзвялі драўляную царкву Святога Мікалая Цудатворца, выкананую ў характэрным рэтраспектыўна-рускім стылі. Пра гэта сведчыць кампазіцыя храма, якая ўключае трох'ярусную званіцу, бабінец, кубічны асноўны аб'ём і алтарную апсіду, а таксама цыбульныя глаўкі. Адначасова было выкарыстана дрэва як асноўны матэрыял і прысутнічаюць асобныя дэкаратыўныя элементы, тыповыя для народнага дойлідства.

Гэты храм - унікальны ўзор драўлянага дойлідства пачатку XX стагоддзя. Сёння аб'ект адносіцца да гісторыка-культурнай спадчыны ІІІ катэгорыі.

За гады свайго існавання храм бачыў нямала - войны, рэвалюцыі, перажыў заняпад. Храм перажыў дзве сусветныя вайны без разбурэнняў, добра захаваўся. Тут праведзены немалыя работы па аднаўленні і незвычайна радуе, што храм дзейнічае сёння! Тут сціпла, але вельмі спакойна і ўтульна.

Гэтае месца рэкамендуецца наведаць усім, хто цікавіцца гісторыяй і архітэктурай беларускага драўлянага дойлідства.