Ворша. Езуіцкі калегіум.

Каталіцкі ордэн езуітаў з'явіўся ў Воршы па прывілею караля Рэчы Паспалітай Жыгімонта Вазы. Адным з уплывовых фундатараў быў канцлер Вялікага княства Літоўскага Леў Сапега. Езуіцкі калегіум у Воршы помнік архітэктуры барока 17 – 18 стагоддзя. Быў пабудаваны цэлы архітэктурны комплекс - кляштар з касцёлам і гаспадарчымі будынкамі. Узведзены касцёл Святога Міхаіла, езуіцкі калегіум, музычная бурса і школа, аптэка. У калегіўме на той час давалася самая лепшая адукацыя і прычым бясплатная для прадстаўнікоў усіх хрысціянскіх канфесій. Тут выкладаліся наступныя прадметы: рыторыка, гісторыя, геаграфія, логіка, філасофія і многія іншыя. У калегіуме працаваў тэатр і быў створаны «Аршанскі кодэкс» - гэта зборнік папулярных драмаў і інтэрмедыяў эпохі барока, якія ставіліся на Беларусі і Польшчы. У 1812 годзе ў будынку калегіўма спыняўся імператар Францыі Напалеон Банапарт і вядомы пісьменнік Стэндаль. Сярод вядомых выкладчыкаў былі Антоній Люстыг і Пётр Пузына. Выпускніком езуіцкага калегіўма з'яўляецца першы міністр народнай асветы Расійскай імперыі Пётр Завадоўскі. Езуіцкі калегіўм быў зачынены у 1820 – м годзе і перабудаваны пад турму. А касцёл зачынілі ў 1832 годзе і разабралі на будаўнічыя матэрыялы. Да нашага часу захаваўся падмурак. У апошнія гады ў будынку калегіўма праведзена рэстаўрацыя і тут зараз знаходзіцца бібліятэка і музей. На вежы калегіўма ўсталяваны гадзіннік.