Агароднік. Капліца Святых Іаахіма і Ганны.

На ўскраіне мястэчка Агароднікі на могілках знаходзіццца мураваная капліца, якую асвяцілі ў гонар Святых Іахіма і Ганны.

Капліца была пабудавана ў 1763 годзе за сродкі Салагубаў. Будынак узведзены па праекту італьянскага архітэктара Петрунэлі, якога запрасілі Салагубы. Некалькі разоў драўлянае збудаванне цярпела ад пажару і рамантавалася ў 19 стагоддзі Ленскімі. Як мяркуюць даследчыкі, што пасля той перабудовы касцёл і набыў сённяшні выгляд. У савецкія часы каталіцкая святыня была занядбаная і ў 1975 годзе адбыўся моцны пажар, пасля якога храм доўгі час не аднаўляўся і знаходзіўся ў паўзруйнаваным стане.

 Пасля развала Савецкага Саюза ўзнікла цікавасць да старадаўніх руін храма і пачаліся працы па аднаўленні капліцы. Былі вывучаны архіўныя матэрыялы ў Гродна ў абласным архіве. Пачалася рэстаўрацыя капліцы і к чэрвеню 2000 года да дня Святых Іахіма і Ганны каталіцкая святыня набыла першасны выгляд.

Будынак пабудаваны ў стылі класіцызму і ў плане вырашаны, як прамавугольнік. Галоўны фасад аформлены порцікам з шасцю калонамі дарычнага ордэра і завершана трохкутным франтонам. Над франтонам надбудавана двухярусная чацвярыковая вежачка з крыжам. Да асноўнага аб'ёму прыбудавана апсіда.