Дакудава. Царква Нараджэння Божай Маці.

Першае ўпамінанне аб мястэчку Дакудава Лідскага раёна адносіцца да 14 стагоддзя. Спачатку належаля Вялікаму князю Літоўскаму, а з 15 стагоддзя панам Кучукам. У 16 стагоддзі перайшло мястэчка Пятру Аляхновічу кухмістру Вялікага князя Літоўскага. Затым да гетмана Станіслава Кішкі. Новы гаспадар Кіеўскі ваявода Юрый Радзівіл, які пабудаваў касцёл. У 1774 Іосіф Салагуб пабудаваў уніяцкую царкву.

У 1839 унія была скасавана на Полацкім саборы. Уніяцкі святар Іаан Сцепура ў Дакудава і і 900 прыхаджан былі спачатку супраць пераходу ў праваслаўную веру, але перайшлі. Царква была драўляная і пры ёй званіца. Паступова будынак прыйшоў у заняпад і паўстала пытанне аб будаўніцтве новага будынка.

Новы мураваны храм быў пабудаваны ў 1866 годзе з цэглы і бутавага камяня. Побач недалёка знаходзіўся стары драўляны, былы ўніяцкі храм. Новая царква ўзведзена па тыпавому праекту ў рэтраспектыўна – рускім стылі. Кампазіцыя падоўжана – восевая з 4 асноўнымі часткамі: прытвор, трапезная, малітоўная зала і апсіда. Над прытворам вежа – званіца. Малітоўная зала ў плане квадрат, накрыта чатырохскатным дахам, на вяршыне якога васьмігранны барабан з цыбулінай. Да асноўнага аб'ёму прыбудавана паўкруглая апсіда.

Дакудаўская царква была цэнтрам прыхода пры некалькіх вёсках, дзе было адчынена некалькі царкоўна – прыхадскіх школ.

У гады Першай сусветнай вайны каштоўная маёмасць царквы была эвакуіравана ў Маскву. За польскім часам царква аднавіла сваю дзейнасць. У апошнія гады ў храме праведзена рэстаўрацыя.