Беліца. Капліца Маці Божай Ружанцовай

У мястэчку Беліца Лідскага раёна на мясцовых каталіцкіх могілках ёсць капліца Маці Божай Ружанцовай.

Упершыню мястэчка ў пісьмовых крыніцах згадваецца ў 15 стагоддзі ў часы Вялікага Княства Літоўскага перыяд караля Казіміра Ягелончыка.

Беліца была цэнтрам вялікакняскай воласці. У 1431-1500 гадах пабудавалі першы драўляны Каталіцкі Касцёл.

У 1557 годзе ў дакументах мястэчка згадваецца, як маёмасць магнатаў Радзівілаў. Беліцкую воласць падарыў князю Мікалаю Радзівілу Рудому кароль і вялікі князь літоўскі Жыгімонт Аўгуст. Паводле дакументаў 1784 года ў Беліцы працаваў каталіцкі Касцёл.

 Мястэчка належала князям Радзівілам да 1832 года, а пасля смерці Сафіі Радзівіл перайшло да яе мужа графу Вітгенштэйну. У гэты час быў зачынены кляштар дамініканцаў у мястэчку, а ў 1838 годзе касцёл зачынілі, які быў пры кляштары. У 1839 годзе быў створаны прыход і адкрыта Царква Святога Духа. Меўся таксама маёнтак княгіні Трубяцкой у канцы 19-га стагоддзя.

На каталіцкіх могілках узведзена ў 1824 годзе драўляная капліца Маці Божай Ружанцовай. Храм пабудаваны дамініканскім каталіцкім ордэнам. Капліца выкарыстоўвалася як Касцёл у тыя часы Расійскай імперыі, калі мясцовы Касцёл Святога Юрыя быў забраны пад праваслаўную царкву.

Капліца складаецца з малітоўнай залы і апсіды. Галоўны алтар у храме з абразом Маці Божай Ружанцовай мае дзве кампазіцыі: злева маецца абраз у срэбнай аправе і скульптура Маці Божай. А справа - выява Маці Божай Вастрабрамскай і скульптура Ісуса Хрыста. Таксама захаваўся абраз са старога касцёла Святога Юрыя.