Бярозаўка. Шклозавод Нёман.

Паміж Навагрудкам і Лідай ёсць незвычайнае мястэчка Бярозаўка, дзе з даўніх часоў працуе шклозавод «Нёман».

 У 1883 годзе мясцовы памешчык Зянон Ленскі заснаваў у сваім маёнтку невялікі шклозавод. Затым ён гэты завод перадаў у арэнду майстру з Чэхіі Юліусу Столе і інжынеру Вільгельму Краеўскаму. У хуткім часе пабудавалі 2 новых завода адзін належыў Столе і Краеўскаму, а другі прадпрымальніку Андрэю Квяцінскаму. К 1900 году Столе і Краеўскі набылі 2 завода ў Ленскага і Квяцінскага і вытворчасцть пачала хутка развівацца.

Перад пачаткам Першай сусветнай вайны на заводзе працавала больш 1 тысячы чалавек. У час вайны частка абсталявання была эвакуіравана, а частка знішчана. Пасля вайны Юліус Столе і ўдава Краеўскага аднавілі вытворчасць, дзе выраблялі дэкаратыўны посуд, шклотару і іншую прадукцыю. Частка шкляных вырабаў ішла на экспарт і ў тым ліку ў ЗША. У 1935 годзе майстар гэтага завода стварыў шкляную ўрну ў якой пахавалі сэрца кіраўніка Польшчы Юзафа Пілсудскага.

Пасля 1939 года завод канфіскаваны. У часы вайны зруйнаваны. Пасля адноўлены і ў 1985 годзе тут працавала больш 5 тысяч чалавек. У 2018 годзе на заводзе працавала 1400 чалавек.

На заводзе выпускаюць розную шкляную прадукцыю і ў тым ліку крышталь. Часта праводзяцца экскурсіі на вытворчасць, дзе распавядаюць і паказваюць увесь цыкл пераапрацоўкі сыравіны і вырабу і аздаблення канечнага тавара. Паказваюць у час экскурсіі, як працуюць сцекладувы. Пры заводзе працуе музей і ёсць магазін, дзе можна набыць посуд і шкляныя прылады.