Мікалаева. Царква Параскевы Пятніцы

На захад 4 кіламетра ад раёнага горада Камянца знаходзіцца мястэчка Мікалаева. Недалёка ад дарогі сярод вёскі пабудаваны на ўзвышшы пяцікупальны праваслаўны храм Святой Параскевы Пятніцы. У некаторых іншых крыніцах царкву называюць у гонар Святога Мікалая.

У часы Расійскай імперыі ў 19 стагоддзі Мікалаева ўваходзіла ў склад Брэсцкага раёна Гродзенскай губерніі.  У 1900 годзе ў Мікалаева па вуліцы Школьная пабудавалі драўляную царкву. Храм узведзеныў псеўда – рускім стылі. Складаецца з чатырох асноўных частак: прытвор, трапезная, асноўны аб'ём малітоўнай залы і апсіда. Над прытворам надбудавана трохярусная вежа – званіца: два васьмерыка над чацвярыком. Да прытвора, дзе галоўны ўваход прыбудавана крыльцо з казырком і франтонам, якое трымаецца на двух драўляных слупах.  

Малітоўная зала – гэта прамавугольны зруб, які завершаны пяццю купаламі – цыбулінамі. Архітэктура храма вылучаецца насычаным дэкорам. У інтэр'еры ёсць двухярусны іканастас з разнымі пазалочанымі царскімі варотамі. На варотах знаходзіцца шэсць авальных абразоў. Царква з'яўляецца архітэктурнай дамінантай мястэчка і бачнае з усіх краёў вёскі.

 Будынак быў адрамантаваны ў апошнія гады. Царква дзейнічае.