Гарадзішча. Царква Пятра і Паўла

У невялікім мястэчку Гарадзішча Камянецкага раёна ёсць драўляная праваслаўная царква, якую асвяцілі ў гонар апосталаў Пятра і Паўла. Першая царква ў Гарадзішчы ўпамінаецца ў 16 стагоддзі. Новы храм узвялі ў 1698 годзе па фундацыі мясцовых гаспадароў Махвіцаў. Першапачаткова царква належыла ўніяцкім вернікам, а потым перадалі праваслаўным пасля забароны ўніі ў 1839 годзе.

Гэты храм быў вядомы далёка за межамі мястэчка дзякуючы свайму цудадзейнаму абразу Багародзіцы, які быў упрыгожаны сярэбранай рызай і шматлікімі ахвяраваннямі з каштоўных рэчаў. У 1850 – х гадах храм прыйшоў у заняпад і яго зачынілі на рамонт. У 1864 годзе царкву адчынілі пасля рамонту. У час наведвання Белавежскай пушчы ў 1886 годзе імператар Расійскай імперыі Аляксандр ІІІ з цэсарэвічам Мікалаем пабываў у гарадзішчанскай царкве.  У 1913 годзе вежу – званіцу адрамантавалі і зрабілі з новага леса.

 У час Вялікай Айчыннай вайны будынак быў пашкоджаны, але потым адрамантаваны. У савецкія часы пасля вайны ў 1961 годзе храм зачынілі і памяшканне было прыстасавана пад зернесховішча. Пасля развала СССР царкву вярнулі вернікам і ў пачатку 2000 - х гадоў праведзены рамонт. Будынак складаеца з прытвору, малітоўнай залы і пяцігранай апсіды. Над прытворам надбудавана трохярусная вежа – званіца васьмярык на чацвярыке. У званіцы і бакавых сценах ёсць прамавугольныя вокны. Асноўны аб'ём накрыты двухсхільным дахам. У інтэр'еры маюцца хоры і іканастас з абразамі 19 стагоддзя: «Тайная вячэра», «Фама», «Божая Маці» , «Святы Пётр і Павел» і іншыя.