Мінск. Касцёл Святога Язэпа і кляштар бернардзінцаў.

     У Мінску ў гістарычным цэнтры пабудаваны касцёл Святога Язэпа і кляштар бернардзінцаў. Касцёл узведзены на Верхнiм рынку ў стылі барока ў 17 стагоддзі.

        Кляштар бернардзінцаў заснавалі ў 1624 годзе на грошы Яна і Андрэя Кансоўскіх. Андрэй Кансоўскі перадаў манастыру зямлю з драўляным домам. Спачатку пабудавалі драўляны касцёл і кляштар у 1630-я гады. Падчас пажару ў 1644 годзе будынкі былі знішчаны пажарам. У 1652 годзе кляштар і касцёл пабудавалі каменнымі. У 1676 годзе была прыбудавана мураваная капліца за сродкі Хрыстафора Станіслава Завішы.

        У 1752 годзе праведзена перабудова архітэктурнага ансамбля, і будынкі набылі сучасны выгляд.

      У склад кляштарнага корпуса ўваходзілі касцёл, школа, трапезная, жылыя дамы, шпіталь, бровар, стайня і іншыя гаспадарчыя пабудовы. У часы Расійскай імперыі ў пачатку 19-га стагоддзя каля касцёла былі прыбудаваны гандлёвыя рады.

         У 1864 годзе кляштар і касцёл былі зачыненыя. Касцёл перадалі пад праваслаўную царкву Святых Кірыла і Мяфодзія. Манастыр перадалі пад казармы і пад следчую камісію.

     Затым у будынку працаваў архіў. З 1992 года ў будынку касцёла працуе архіў навукова–тэхнічнай дакументацыі і архіў–музей літаратуры і мастацтва Беларусі.

      У апошнія гады касцёл і кляштар адрэстаўравалі. У будынку манастыра працуе гасцініца "Манастырская".