Мінск. Дом Манюшкі.

     У гістарычным цэнтры Мінска каля Палаца Рэспублікі знаходзіцца дом Манюшкі. Упершыню будынак сустракаецца на картах у 1797 годзе. У той перыяд участак зямлі з будынкам належалі памешчыку Ратынскаму.

          У 1810 годзе маёмасць прадалі Мікалаю Гайдукевічу, які займаў пасаду гарадскога галавы. Гайдукевіч у 1819 годзе гэты дом перабудаваў і будынак стаў трохпавярховым. Па іншых дадзеных, трэці паверх з'явіўся ў пачатку 20-га стагоддзя. На першым паверсе будынка размяшчаліся крамы, а астатнія памяшканні – гэта жылыя кватэры.

      У перыяд 1830-1831 гадоў тут жыў вядомы беларускі і польскі кампазітар Станіслаў Манюшка (1819-1872). Таму будынак цяпер і называюць як Дом Манюшкі.

      Спадчыннікі Гайдукевіча прадалі будынак у 1855 годзе памешчыку Міхаілу Караказевічу. У будынку працаваў нотны і кніжны магазіны, якія належалі Аляксандру Валіцкаму. Валіцкі быў першы аўтар біяграфіі С. Манюшкі.

У другой палове 19-га стагоддзя да будынка быў далучаны двухпавярховы флігель на вуліцы Інтэрнацыянальнай.

     У канцы стагоддзя гаспадарамі будынка былі Леон Фрэнкель і Майсей Заблудоўскі. Яны валодалі гэтым домам аж да 1920 года. У савецкія часы ў будынку былі жылыя кватэры. Зараз тут працуе кандытарская і кафэ.