Мінск. Уніяцкая царква Святога духа.

     У Менску на плошчы Свабоды каля Ратушы знаходзіцца былая Царква Святога Духа. Царква была пабудавана ў часы Вялікага Княства Літоўскага на Верхнiм рынку ў 1650 годзе. На царкву ахвяравалі полацкія мяшчане 2 тысячы злотых у 1634 годзе. З'явіліся і іншыя мецэнаты.

       Храм будаваўся для двух манастыроў: уніяцкага ордэна базыльян жаночага і мужчынскага, якія знаходзіліся побач. Мужчынскі манастыр базыльянаў знаходзіўся на самой плошчы Свабоды каля царквы Святога Духа, і цяпер у гэтым будынку размяшчаюцца прафсаюзы. Крыху далей за царквой - двухпавярховы будынак музычнай школы імя Я. Глебава - гэта будынак жаночага манастыра базыльянаў.

        Уніяцкі Мітрапаліт Антоній Сялява ў 1651 годзе ахвяраваў на манастыр базыльянаў 20 тысяч злотых. Мяркуецца, што пасля смерці мітрапаліт быў пахаваны ў царкве Святога Духа.

        У канцы 18-га стагоддзя пасля падзелу Рэчы Паспалітай у часы Расійскай імперыі базыльянскія манастыры былі зачыненыя, царкву Святога Духа перадалі праваслаўным вернікам. Храм уніяцкі перабудавалі пад праваслаўны Петрапаўлаўскі сабор.

      У 1835 годзе ў храме адбыўся пажар, і пасля гэтага будынак аднавілі ў псеўдарускім стылі ў 1846 – 1850–х гадах. Будаўніцтва ішло па праекце архітэктара Густава Валерта.

      У савецкія часы царкву знеслі. У 2011 годзе царкву аднавілі ў першапачатковым выглядзе ў стылі барока.