Мінск. Кафедральны сабор Святога Духа.

Кафедральны сабор Святога Духа, самы галоўны праваслаўны храм на Беларусі, першапачаткова быў каталіцкім касцёлам. У 1633 годзе прадстаўнік вядомага беларускага магнацкага роду Аляксандар Слушка фундаваў каталіцкі касцёл і кляштар бернардзінак. Спачатку  будынкі былі драўляныя, а мураваныя пачалі ўжо ўзводзіць у 1640 – х гадах. У  1687 годзе новы касцёл асвяцілі. Кляштар бернардзінак уяўляў з сябе цэлы архітэктурны комплекс: касцёл, жылы корпус, флігель і гаспадарчыя пабудовы. Касцёл і дабудаваны да яго двухпавярховы корпус кляштара ўтваралі замкнёны ўнутрваны двор. Архітэктурнай дамінантай комплекса з’яўляецца будынак касцёла. Касцёл трохнефная шасціслуповая базіліка . Цэнтральны неф накрыты двухсхільным дахам, а бакавыя нефы аднасхільным. Галоўны фасад касцёла пабудаваны з двумя шасціяруснымі вежамі, вышыня якіх 34 метра, завершаны складанымі барочнымі купаламі. А паміж вежамі знаходзіцца  баракальны шчыт. Інтэр’ер касцёла ў пачатку 19 стагоддзя быў упрыгожаны 7 стукавымі алтарамі. Пасля падаўлення анцірасійскага паўстання пад кіраўніцтвам К. Каліноўскага ў 1863 – 64 гадах касцёл перададзены праваслаўным . У савецкія часы царкву спачатку зачынілі, а пасля вайны царква зноў пачала працаваць. У храме захоўваюцца мошчы Святой Сафіі Слуцкай і цудадзейны абраз Мінскай Божай Маці.