Арабаўшчына. Помнік "Тры крыжы.

У мястэчку Арабаўшчына Баранавіцкага раёна ёсць некалькі помнікаў і гістарычных мясцін. У тым ліку некалькі аб'ектаў, якія прысвечаны падзеям Першай сусветнай вайны. Каля мястэчка захавалася некалькі жалежабетонных бліндажа і дот з тых часоў, бо доўгі час тут стаяў фронт. За тры кіламетры на ўсход ад Арабаўшчыны каля лесу знаходзіцца ўнікальны помнік, які празвалі «Тры крыжы».

Дакладна невядома каму прысвечаны гэты помнік, але ёсць дзве версіі: адна кажа, што гэта ўсталявалі немцы у гонар палеглых суайчыннікаў у часы Першай сусветнай вайны, а другая – што гэта палякі ўсталявалі помнік у гонар трох легендарных паходаў польскагавойска. Помнік выглядае так:  на бетоным пастаменце усталяваны арол, а за ім знаходзіцца тры крыжы.  

Згодна з «польскай» версіяй пведамляецца, што помнік узведзены ў 1920 – я гады у час Польскай дзяржавы. У яго пабудове прымалі ўдзел салдаты  78 – га пяхотнага і 26 – уланскага палкоў войска польскага, якія ў той перыяд знаходзіліся ў Баранавічах. Раней на помніку была металічная шыльда з надпісам: «В честь трех походов рыцарей Речи Посполитой».  А тры крыжы сімвалізуюць сабой тры гераічныя паходы польскай арміі.

 Згодна іншай версіі – гэты помнік усталяваны немцамі ў гонар падзей Першай сусветнай вайны, і што помнік усталяваны ў 1916 годзе і сімвалізуе сабой тры атакі.