Грушаўка. Сядзіба Рэйтанаў.

Грушаўка вядомая на ўсю Беларусь сядзібна – паркавым ансамблем шляхецкага роду Рэйтанаў і займае плошчу каля 14 гектараў. Захаваўся драўляны палац, мураваныя флігелі і гаспадарчыя будынкі, а таксама капліца – пахавальня. Вакол палаца размсціўся парк і алеі. Калі вы будзеце ў Грушаўку ехаць з Ляхавіч, то перад самым мястэчкам, па заканчэнні леса з права ёсць грунтовая дарога, якая вядзе да радавой капліцы. А праехаўшы крыху далей некалькі сот метраў вы апынецеся каля ўязной брамы і павярнуўшы на лева па цэнтральнай алеі пад'едзеце да палаца. З права вы пабачыце гаспадарчыя пабудовы, якія захаваліся да нашага часу. А з лева знаходзяцца ў парку парэшткі гаспадарчых пабудоў, якія ўзводзіліся з вялізных валуноў. Перад палацам знаходзіцца мураваны флігель 17 – 18 стагоддзя. За палацам таксама працягваецца парк з пабудовамі і сажалкай. Драўляны палац пабудаваны напрыканцы 19 стагоддзя на месцы былога мураванага будынка, які быў узведзены ў стылі класіцызма ў 18 стагоддзі. Доўгі час сядзіба знаходзілася ў занядбаным стане, але ў 2020 – м годзе пачалася рэстаўрацыя драўлянага палаца на дзяржаўныя грошы Рэспублікі Беларусь і сродкі з гранту Еўрасаюза. Будынак палаца драўляны з мансардай, прамавугольны ў плане з рысамі мадэрну. Каб завітаць на экскурсію ў Грушаўку, вам варта добра падрыхтавацца: пачытаць пра род Рэйтанаў і іх самага вядомага прадстаўніка Тадэвуша Рэйтана, апрануць зручны абутак і ўзяць добры фатапарат. Бо вас чакаюць незвычайныя прыродныя краявіды і цікавыя архітэктурныя пабудовы.