Грушаўка. Капліца Рэйтанаў

Капліца – пахавальня пабудавана ў пачатку 20 – га стагоддзя з цэглы. Капліцу акружае па перыметру мураваная агароджа з гатычнай брамай. У часы Польскай дзяржавы ў 1930 – х гадах перад капліцай быў усталяваны помнік Тадэвушу Рэйтану (1740 – 1780)  – нацыянальнаму герою Беларусі і Польшчы. Т. Рэйтан у час падзелу Рэчы Паспалітай на сейме пратэставаў супраць знішчэння сваёй Радзімы і ў знак пратэсту лёг крыжам перад выхадам са словамі: «Тапчыце мяне, не тапчыце дзяржаву!» У гонар Тадэвуша Рэйтана вядомы польскі мастак у 19 стагоддзі напісаў вядомую карціну «Рэйтан». Рэйтан памёр у сваім маёнтку ў Грушаўцы, а пахаваны быў у Ляхавічах. На сённяшні момант яго магіла згублена.  Капліца – пахавальня – помнік архітэктуры неаготыкі. Будынак прамавугольны ў плане аб'ём з трохграннай апсідай. Будынак умацаваны контрфорсамі. Пры ўваходзе ў капліцу знаходзіцца лесвіца ў склеп. Капліца ў занядбаным стане. Патрабуецца рэстаўрацыя. Некалькі год таму каля капліцы ўсталяваны памятны знак у гонар Тадэвуша Рэйтана.