Ляхавічы. Касцёл Святога Іосіфа

На ўскраіне раённага цэнтра Ляхавічы знаходзіцца каталіцкі касцёл Святога Іосіфа. Каталіцкая святыня была пабудавана ў 1907 годзе на сродкі прадстаўніка старажытнага рода Ю. Рэйтана. Вялікія намаганні па ўзвядзенню храма прыклаў ксёнз К. Ваньковіч.

 Святыня была асвечана ў 1910 годзе біскупам Янам Цепляком (1857 -1926) – доктар тэалогіі, рымска – каталіцкі царкоўны дзеяч на Беларусі і Літве.

Пасля Вялікай Айчыннай вайны ў касцёл на службу прыязжаў ксёндз Вацлаў Пянткоўскі, які служыў у парафіі ў суседнім мястэчку Мядзведзічах. Праз нейкі час касцёл зачынілі і будынак перабудавалі пад медыцынскую ўстанову – тут была зроблена паліклініка. Пасля развала Савецкага Саюза праз нейкі час будынак вярнулі каталіцкім вернікам і быў праведзены рамонт.

У верасні 2019 года біскуп Пінскі Антоній Дзям'янка асвяціў касцёл. Касцёл узведзены ў стылі неаготыкі.

Гэта трохнефная базіліка з адной вежай над галоўным фасадам. Вежа – званіца над фасадам васьмярык на чацвярыку. Галоўны ўваход аформлены ў выглядзе стрэльчатага партала. Па перыметру касцёла да сценаў былі прыбудаваны контрфорсы, якія завяршаліся пінаклямі. У інтэр'еры быў неагатачны алтар і амбон. Вежу – званіцу знеслі пасля вайны, калі тут зрабілі паліклініку. Да нашага часу захаваліся контрфорсы на бакавых сценах і паўкруглая апсіда, якая прыбудавана да асноўнага аб'ёма.