Галавачы. Царква Узвіжэння Святога крыжа.

У мястэчку Галавачы Гродзенскага раёна ёсць мураваная царква Узвіжэння Святога Крыжа. Храм стары драўляны ў суседнім мястэчку да якога былі прыпісаны Галавачы быў зруйнаваны. Прынялі рашэння ўзвесці новую святыню ў Галавачах.

 У восень 1876 года інжынеру Прусаку даручылі падабраць добрае месца для пабудовы мураванай царквы. Вясной 1877 года губернскі гродзенскі архітэктар Іван Калянкевіч прадставіў праект і фінансавы дакумент на ўзвядзенне храма на 500 прыхаджан у царкоўна–будаўнічую канцылярыю.

 З дзяржаўнай казны ўрад выдзеліў каля 15 тысяч рублёў. А прыхаджане павінны былі забяспечыць падвоз будаўнічых матэрыялаў. Царкву пабудавалі ў верасні 1881 года. Пасля Вялікай Айчыннай вайны ў савецкія часы храм зачынілі. Вярнулі праваслаўным вернікам будынак напрыканцы існавання Савецкага Саюза ў 1988 годзе. Быў праведзены рамонт.

Помнік узведзены ў псеўдарускім стылі. Складаеца будынак з чатырох асноўных архітэктурных частак: прытвор, трапезная, малітоўная зала і апсіда. Над прытворам надбудавана двухярусная вежа–званіца васьмярык на чацвярыку. Асноўны аб'ём накрыты чатырохсхільным дахам, над якім узвышаецца на васьміграным барабане купал–цыбуліна.