Жытомля. Царква Дабравешчанская.

У Гродзенскім раёне па шляху на Скідзель ёсць мястэчка Жытомля. На ўскрайку Жытомлі пабудавана старажытная драўляная царква. Храм узведзены ў часы Вялікага Княства Літоўскага ў 1743 годзе.

 Да храма належыла, было прыпісана да прыходу некалькі бліжэйшых мястэчак і вёсак. Да прыходу адносіліся: Жытомля, Обухава, Копцы, Завадзічы, Талочкі і іншыя паселішчы.

 У часы Расійскай імперыі ў 1864 годзе царква была перабудавана за сродкі ў 600 рублёў. Дах накрылі двухскатны з гонта, зроблена драўляная падлога, адрамантавалі іканастас. Надбудавана званіца над прытворам.

Было ў храме некалькі каштоўных старажытных абразоў: абраз Маці Божай на ліпавай дошцы ў меднай шаце і абраз Святога Міколы. Прыхаджан было 1379 чалавек мужскога пола і 1368 жаночага з адзінаццаці прыхадскіх вёсак. Да прыхода ў Жытомлі адносіліся таксама царква Казанская на мясцовых могілках, а таксама царква ў вёсцы Саволеўке.

 З 1840 года пры храме было створана праваслаўнае брацтва, а з 1860 года – царкоўнапрыхадское папечыцельства. Працавала пяць царкоўна – прыхадскіх школ. Служыла пры царкве два святара: настаяцель і псаломшчык, якія атрымлівалі заробак 496 і 200 рублёў. Мелася царкоўная зямля 31 дзесяціна.

 Каля царквы захавалася некалькі старых пахаванняў святароў