Кашубінцы. Касцёл Беззаганнага Зачацця Дзевы Марыі.

У Гродзенскім раёне ў мястэчку Кашубінцы пабудаваны драўляны Каталіцкі Касцёл. Храм асвяцілі ў гонар Беззаганнага Зачацця Найсвяцейшай Панны Марыі. Касцёл быў пабудаваны ў часы Вялікага Княства Літоўскага ў 1750 годзе.

 Заснавалі храм каталіцкі ордэн езуітаў з Гродна. Пры храме дзейнічала місія езуітаў, і з цягам часу былі створаны побач могілкі. У 19 стагоддзі ў часы Расійскай імперыі мястэчка належала роду Багаткаў. У галоўным алтары захоўваўся цудатворны абраз Маці Божай 'Снежнай'. Абраз у храме быў да 1939 года, і да нашага часу не захаваўся. Колькасць вернікаў налічвала паўтары тысячы вернікаў. Да прыходу адносілася капліца ў Скідзелі. Пасля Вялікай Айчыннай вайны касцёл у 1962 годзе закрылі, і з часам будынак прыйшоў у заняпад.

У канцы існавання СССР у 1989 годзе храм вярнулі вернікам і пачаўся рамонт касцёла.

Помнік мае прамавугольнік у плане. Да асноўнага аб'ёму прыбудавана апсіда.

Інтэр'ер мае зальную пабудову. Маецца тры алтары. Галоўны алтар-абраз Маці Божай Беззаганнай. Бакавыя алтары ў касцёле маюць двух'ярусную пабудову. Левы алтар - над абразом святога Мікалая знаходзіцца абраз Ісуса Міласэрнага. У правым алтары - над абразом Найсвяцейшага Сэрца Пана Езуса размешчаны абраз Маці Божай Вастрабрамскай.