Гнезна. Сядзіба Тарасовічаў.

Галоўнай дамінантай у мястэчку Гнезна з'яўляецца старажытны гатычны касцёл 16 стагоддзя. На ўскрайку мястэчка каля возера і парку ў 19 стагоддзі была пабудавана шляхецкая сядзіба.

Першае ўпамінанне ў пісьмовых крыніцах пра Гнезна адносіцца да 15 стагоддзя. У мястэчка было некалькі ўладальнікаў. У 18 стагоддзі сядзіба належыла Ромерам. А ў пачатку 19 стагоддзя перайшло да Тарасовічаў, якія ім валодалі да 1937 года. Апошнімі ўладальнікамі сталі Сташэўскія.

 Палац мураваны аднапавярховы пабудаваны ў 19 стагоддзі. Цэнтральная частка будынка двухпавярховая з балконам, які трымаецца на чатырох слупах. Па абодва бакі ад дома знаходзяцца 2 флігеля: у адным была кухня, а ў другім канцылярыя.

 Побач з палацам знаходзіцца парк, які складаеццаз 2 частак: пейзазжнай і рэгулярнай. Каля парку знаходзіцца невялікая рачулка Нятупа з некалькімі прудамі.

Захавалася да нашага часу некалькі гаспадарчых пабудоў, якія знаходзяцца недалёка ад палаца. Будынак мураванай лядоўні ў неагатычным стылі са стрэльчатымі вокнамі, якая накрыта чатырохсхільным дахам. Стайня падоўжаны мураваны будынак з паўкруглай уяздной брамай. Пры падыходзе да сядзібы захавалася мураваная брама.