Дубай. Царква Святога Мікалая

На поўнач ад Століна у мястэчку з экзатычнай назвай Дубай пабудавана драўляная царква Святога Мікалая.

 Мястэчка ўпершыню ўпамінаецца ў гістарычных крыніцах у 1503 годзе. У розныя часы мясцовым маёнткам валодалі Карповічы, Камары, Каневічы і Шырмы. На ўскраіне мястэчка да нашага часу захавалася праваслаўная драўляная царква Святога Мікалая, якая была пабудавана ў перывяд з 1896  па 1906 гады. Аўтар праекта архітэктар В. Струвэ. Храм узведзены ў стылі неакласіцызма і ў псеўда – рускім стылі. Царква заўсёды працавала і ніколі за сваю гісторыю не зачынялася: ні ў часы Вялікай Айчыннай вайны, ні ў перыяд Савецкага Саюза.

 У 2003 годзе святыня была абварована і былі страчаны 24 абразы і храмавыя рэчы. У 2011 годзе ў будынку быў праведзены рамонт, а ў 2014 годзе зроблены капітальны рамонт і створана новая сістэма ацяплення будынка.

 Царква складаецца з чатырох асноўных частак: прытвор, трапезная, малітоўная зала і апсіда. Над прытворам надбудавана трохярусная вежа – званіца: васьмярык на чацвярыке і завершаны шматграным шпілем з цыбулінай. Над асноўным аб'ёмам пабудавана пяць шатроў – цыбулін на круглых барабанах. Да асноўнага аб'ёму прыбудавана пяціграная апсіда з бакавымі сакрысціямі.

Каля царквы знаходзяцца мясцовыя могілкі. Перад храмам пабудавана брама з трымя цыбулінамі – шатрамі.