Белавуша. Траецкая царква
Храм
Беларусь, Брэсцкая вобл., Столінскі район, Белавуша.
Апісанне
Каля Століна ёсць вялікае мястэчка Белавуша, дзе пабудавана драўляная праваслаўная царква Святой Троіцы. Мястэчка вядомае з 16 стагоддзя і першая праваслаўная царква ўпамінаецца ў 1833 годзе. Першы храм асвяцілі ў гонар Святога Духа. Новую драўляную царкву Святой Троіцы ўзвялі ў 1906 годзе. Будынак складаецца з 4 асноўных частак. У інтэр'еры ёсць чатырохярусны іканастас з абразамі і харугвямі. Святыня ў савецкія часы не зачынялася. Царква адрэстаўравана ў апошнія гады. Храм дзейнічае
Катэгорыі
Гістарычнае
Помнік архітэктуры
Каментары
Нататкі да месца
1Алег Дзьячкоу
11.01.2025
Белавуша. Траецкая царква
Па шляху з Століна на Давід – Гарадок знаходзіца мястэчка Белавуша на беразе ракі Гарынь. Пасярод мястэчка ўзвышаецца праваслаўная Траецкая царква. Белавуша ўпершыню ўпамінаецца ў гістарычных крыніцах з 16 стагоддзя з часоў Вялікага Княства Літоўскага.
У часы Расійскай імперыі была пабудавана праваслаўная царква, якую асвяцілі ў гонар Святога Духа. Храм быў узведзены ў 1833 годзе. Царква была драўляная, трохкупальная, пакрытая гонтавым дахам і трохярусным размяшчэннем акон. Побач знаходзілася драўляная званіца. У інтэр'еры быў пяціярусны іканастас з драўлянай рэззю і 36 абразамі. У 1866 годзе здарыўся моцны пажар, але царкву адбудавалі. Новую царкву на сродкі прыхаджан пабудавалі ў 1906 годзе. На мураваным падмурку ўзвялі драўляную царкву па праекту В. Струева. У час вайны і ў савецкія гады святыня заўсёды працавала.
Царква складаецца з чатырох асноўных частак: прытвор, трапезная, малітоўная зала і апсіда. Над прытворам надбудавана трохярусная вежа – званіца васьмярык над чацвярыком. Над асноўным аб'ёмам узвышаецца васьмігранны масіўны светлавы барабан, які завершаны купалам. У інтэр'еры чатырохярусны іканастас з абразамі і харугвямі. У апошнія гады храм быў адрэстаўраваны.
Каля царквы захавалася некалькі пахаванняў святароў