Беражное. Царква Параскевы Пятніцы.

У Столінскім раёне па шляху з Століна на Давід – Гарадок знаходзіца вялікае старажытнае мястэчка Беражное. Гістарычныя крыніцы ўпершыню ўзгадваюць мястэчка ў 1508 годзе пад назвай Беразное.

 Побач знаходзіцца маёнтак Стара – Беражное, які на працягу некалькіх стагоддзяў быў радавым гняздом вядомага рода Алешэй, адкуль паходзіць вядомы савецкі пісьменнік Юрый Алеша, аўтар казкі «Тры талсцяка».

 У Беражным быў старажытны храм 18 стагоддзя на падмурку якога ў часы Расійскай імперыі ў 1884 годзе пабудавалі драўляную царкву Параскевы Пятніцы. Помнік архітэктуры рэспубліканскага значэння ўзведзены ў самым цэнтры мястэчка па традыцыям палескага народнага дойлідства. На мяжы стагоддзяў будынак храма перабудоўваўся. У часы Польскай дзяржавы ў 1935 – 1936 гадах была прыбудавана званіца да царквы. А пасля вялікай Айчыннай вайны па ініцыятыве старасты Ігнація Царыка і святара Якава Залуцкага прыбудавалі правы прыдзел у 1946 – 1947 гадах.

У 1961 годзе святыня была зачынена, а яе маёмасць разрабавана. У будынку быў абсталяваны вясковы музей, які працаваў да 1987 года. Па просьбам вернікаў у 1988 годзе храм вярнулі праваслаўным прыхаджанам і быў праведзены рамонт. Аднавіліся багаслужэнні ў 1989 годзе пасля асвячэння храма пратаірэем Яўгеніем Мінкевічам.

Царква складаецца з чатырох асноўных частак: прытвор са званіцай, трапезная, малітоўная зала і апсіда. Перад царквой узведзена новая брама і  мураваны забор.