Столін. Раённы краязнаўчы музей

У прыгарадзе горада Столін ёсць мястэчка Манькавічы з вялікім паркам 19 стагоддзя. Тут калісці быў значны маёнтак з двухпавярховым палацам князя Радзівіла.

 Палац не захаваўся, а вось парк любога ўразіць сваёй прыгажосцю і хараством. У цэнтры парка знаходзіцца «Столінскі раённы краязнаўчы музей». Музей афіцыйна быў заснаваны яшчэ у часы СССР ў 1953 годзе, а першая экспазіцыя з'явілася толькі ў 1955 годзе.

Спачатку музейны будынак быў у цэнтры горада, але потым установу перавялі ў парк Манькавічы. З 1976 года музей працуе ў парку і за гэты час была зроблена вялікая праца па збору матэрыялаў і арганізацыі экспазіцыі. На сённяшні дзень у экспазіцыі ёсць больш за 20 тысяч экспанатаў. Ёсць калекцыі фотадакументаў, баністыкі, нумізматыкі, фалерыстыкі і іншае.

У 2005 годзе пасля рамонта была адчынена новая экспазіцыя, якая таксама за апошнія гады значна папаўнялася і мянялася. Зараз ужо дзейнічае 4 – я па ліку экспазіцыя за час існавання музея. Экспазіцыя разгорнута ў шасці залах: зал прыроды, археалогіі, тры зала гісторыі і этнаграфіі. У этнаграфічнай калекцыі сабраны ўнікальны керамічны посуд з мястэчка Гародня, абразцы ткацтва і рушнікоў, народных строяў.

У 2023 годзе была адкрыта зала, якая прысвечана генацыду беларускага народа ў часы Вялікай Айчыннай вайны.

 Супрацоўнікі ўстановы вядуць актыўную пошукавую працу па набыцці новых экспанатаў. У музея ёсць некалькі філіялаў, пра якія падрабязна распавядаецца на сайце музея.