Верхняе Чэрніхава. Капліца–пахавальня Рдултоўскіх.

У Баранавіцкім раёне у вёсцы Верхняе Чэрніхава ёсць парк і капліца–пахавальня Рдултоўскіх. Мястэчка знайсці і даехаць да яго досыць проста: яно размяшчацца паміж трасамі М–1 і Р–2 у накірунку ад Баранавіч да Мінска.

У часы Вялікага Княства Літоўскага ў 16 стагоддзі мястэчка было вядомае, як Чэрніхаў у Навагрудскім ваяводстве. Пасля другога падзелу Рэчы Паспалітай у 1793 годзе ў складзе Расійскай імперыі і адносілася да Навагрудскага ўезда Мінскай губерніі.

Побач у мястэчку Чэрніхава была пабудавана праваслаўная царква Параскевы Пятніцы 1895 годзе.

У перыяд Расійскай імперыі тут быў пабудаваны палацава–паркавы ансамбль, які уключаў у сябе палац, парк і гаспадарчыя пабудовы. Палац быў знішчаны ў час Вялікай Айчыннай вайны. Да нашага часу захаваўся парк, гаспадарчыя пабудовы і капліца–пахавальня.

Капліца мураваная, пабудавана ў стылі ампір. Гэта прамавугольны ў плане будынак 8 на 10 метраў, які на палову свайго аб'ёму знаходзіцца ў зямлі. Будынак з цэглы, атынкаваны. Галоўны фасад капліцы упрыгожаны чатырма калонамі дарычнага ордэра, а з верху знаходзіцца трохкутны франтон. У апошнія гады капліца адрамантавана і на франтоне ўсталяваны картуш. Уваход вядзе спачатку ў прытвор будынка, а затым ідзе спуск па прыступкам. Крыпта мае памеры 5 на 5 метраў, а ў сценах у 2 рада знаходзяцца нішы пахавальні.

Пахавальні разрабаваны і захавалася толькі адна металічная памятная шыльда на якой напісана : «Эўгеніуш Рдултоўскі 1839 – 1911».