Драгічын. Царква Стрэчання Гасподняга

Храм

Беларусь, Брэсцкая вобл., г. Драгічын, вул. Леніна, 112

152

30.12.2024

Апісанне

У цэнтры раённага горада Драгічын у 19 стагоддзі пабудавана драўляная царква Стрэчання Гасподняга. Папярэдні храм быў з часоў Вялікага Княства Літоўскага ў стылі барока і калі ён прыйшоў у заняпад, то вырашылі будаваць новую царкву. Царква Стрэчання Гасподняга складаецца з прытвора і малітоўнай залы. Дамінантай з'яўляецца трохярусная вежа – званіца. Царква адрамантавана. Храм дзейнічае.

Вэб сайт:

https://pravbrest.by/%d0%bf%d1%80%d0%b0%d0%b2%d0%be%d1%81%d0%bb%d0%b0%d0%b2%d0%bd%d1%8b%d0%b9-%d0%bf%d1%80%d0%b8%d1%85%d0%be%d0%b4-%d1%85%d1%80%d0%b0%d0%bc%d0%b0-%d1%81%d1%80%d0%b5%d1%82%d0%b5%d0%bd%d0%b8%d1%8f-%d0%b3/

Катэгорыі

Гістарычнае

Помнік архітэктуры

Месцазнаходжанне

Шырата: 52.1868458
Даўгата: 25.15171844

Каментары

Усяго каментароў: 0

Нататкі да месца

Алег Дзьячкоу

30.12.2024

Драгічын. Царква Стрэчання Гасподняга

Невялікі раённы горад Драгічын, які знаходзіцца на шляху паміж Брэстам і Гомелем вядомы з 15 стагоддзя. Першая царква ўпамінаецца ў пачатку 17 стагоддзя ў часы Вялікага Княства Літоўскага. Ранейшая царква была пабудавана ў стылі барока з двухвежавым фасадам і трымя нефамі. Калі стары храм састарэў, то вырашана было пабудаваць новую царкву.

Да нашага часу захавалася драўляная праваслаўная царква, якая знаходзіцца ў цэнтры горада на вуліцы Леніна. Храм пабудаваны ў эпоху Расійскай імперыі ў 1862 годзе і асвяцілі ў гонар Стрэчання Гасподняга.

Царква ўзведзена ў псеўда – рускім стылі і складаецца з двух асноўных частак: прытвор і асноўны аб'ём. Над прытворам трохярусная вежа – званіца, якая завершана высокім шматгранным шатром з цыбулінай. Да прытвора прыбудаваны ганак з двухскатным казырком на 4 слупах. Асноўны аб'ём накрыты трохскатным дахам. Над малітоўнай залай размешчаны васьміграны барабан з цыбулінай.

У інтэр'еры ёсць хоры і іканасас з абразамі 19 стагоддзя: «Спас Пантакратар», «Маці Божая Замілаванне», і іншыя. Ёсць каштоўны абраз «Маці Божая Вастрабрамская» 18 стагоддзя. У 1990- я гады царква была адрамантавана. Храм дзейнічае.

Каментары

Усяго каментароў: 0