Новая Папіна. Царква Праабражэння Гасподняга

У мястэчку Новае Папіна Драгічынскага раёна ёсць старажытная царква Праабражэння Гасподняга. Храм быў пабудаваны ў 1810 годзе ў часы Расійскай імперыі на месцы старой царквы. Па некаторым крыніцам былы храм быў пабудаваны ў часы Вялікага Княства Літоўскага ў 1723 годзе і належыў уніяцкім вернікам.

Храм узведзены на сродкі  прадвадзіцеля дваранства Пінскага ўезда Міхаіла Ажэшка. Новы іканастас быў створаны ў 1870 годзе  за сродкі мясцовых прыхаджан. Ігнацій Мазановіч з братам Матвеем ахвяравалі на царкву звон коштам 100 сярэбраных рублёў. А ў 1867 годзе яны ахвяравалі 500 рублёў. Святар Антоній Станкевіч за гэтыя сродкі пабудаваў званіцу, новы дах і агароджу вакол царквы. За ахвяраванні прыхаджан  99 рублёў у 1873 годзе была створана новая рызніца. Рызу з светлай парчы ахвяраваў селянін Мазановіч. Набылі новы звон і адрамантавалі дах у 1886 годзе. Пратаірэй Іаан Сергіеў у 1897 годзе на патрэбы царквы даслаў сто рублёў.

Пасля Вялікай Айчыннай вайны ў савецкі час царкву зачынілі. І перадалі будынак праваслаўным вернікам толькі напрыканцы існавання СССР у 1989 годзе. У лістападзе 1989 года царкву зноў асвяцілі.

 Царква пабудавана ў традыцыях народнага драўлянага дойлідства. Складаецца з трох асноўных частак: прытвор, малітоўная зала і апсіда. Над прытворам надбудавана шматярусная вежа – званіца. У інтэр'еры захаваўся іканастас 19 стагоддзя.