Язвіны. Касцёл Святога Духа

У Драгічыскім раёне паміж вёскамі Язвіны і Пегасы пабудаваны мураваны каталіцкі касцёл. Храм знайсці ня проста, бо ён знаходзіцца ў занядбаным і заросшым лесам урочышчы, якія мясцовыя жыхары называюць паміж сабой «Вінч».

 Каб знайсці, дзе знаходзіцца касцёл, то папытайце мясцовых жыхароў, яны ўсе ведаюць пра яго.

Храм каталіцкі пабудаваны ў часы ВялікагаКняства Літоўскага ў 1750 годзе. Належыў касцёл каталіцкаму ордэну езуітаў, які меў вялікі ўплыў на тэрыторыі Рэчы Паспалітай і Вялікага Княства. Недалёка ад касцёла знаходзілася шляхецкая сядзіба Ярашэўскіх. Па некаторай інфармацыі, ёсць меркаванне, што мясцовая шляхта і прафінансавала будаўніцтва касцёла.

 У 1861 годзе мястэчка наведаў вядомы кампазітар і мастак Напалеон Орда, які пакінуў нам малюнак касцёла. І на малюнку бачна, што на даху ўжо надбудавана чатырохграная вежа з купалам – цыбулінай і былы касцёл ужо ў той час належыў праваслаўнай царкве. Верагодна, што пасля падаўлення анцірасійскага паўстання 1830 – 1831 гадоў касцёл перадалі праваслаўным.

Касцёл пабудаваны ў стылі барока. Складаецца з двух асноўных частак: малітоўнай залы і апсіды. Асноўны аб'ём у плане мае квадрат да якога прыбудавана паўкруглая апсіда. Будынак быў пакрыты двухсхільным дахам. Над галоўным фасадам, над уваходным парталам, знаходзіцца баракальны фігурны франтон.

На сённяшні час будынак касцёла знаходзіцца ў занядбаным стане: дах абваліўся і помнік зарос вакол дрэвамі і хмызняком.