Вялікая Сваротва. Свята-Троіцкая царква.

На ўскраіне вёскі Вялікая Сваротва да нашых дзён захавалася ўнікальная царква Святой Тройцы. Першы драўляны храм тут быў пабудаваны ў 18 стагоддзі. Цагляны будуецца на тым жа месцы ў 1823 годзе на грошы памешчыка Якуба Незабытоўскага. Новы храм поўнасцю паўтарыў архітэктурныя асаблівасці ранейшай будовы.

Будынак пабудаваны з цэглы і бутавага каменя. У 1868 годзе зрабілі іканастас. Ён быў афарбаваны ў блакітны колер, з пазалочанымі карнізамі, рамамі і разьбой, складаўся з 13 абразоў, размешчаных у адзін шэраг. На званіцы, пабудаванай асобна ад царквы, было тры званы, самы вялікі з якіх важыў каля трох пудоў.

У 1886 г. пры храме адкрылі царкоўна-прыходскую школу.

За савецкім часам храм знаходзіўся ў занядбаным стане.

У 2006-2009 гадах храм быў адрэстаўраваны. Цяпер яго тэрыторыя акультурана, вакол пабудавана каменная агароджа, а перад храмам стаяць каменныя арачныя вароты.

З 2012 года Сваротвінскі храм з'яўляецца помнікам архітэктуры і ахоўваецца дзяржавай. Царква дзейная.

Помнік архітэктуры класіцызму. Будынак цэнтрычны, трохкутны ў плане, з шатровым завяршэннем. Куты царквы выдзелены калонамі і руставанымі лапаткамі. Алтар знаходзіцца ў адным з трох кутоў храма, а ўнутраная прастора перакрыта плоскай столлю. Інтэр'ер атынкаваны і пабелены, падлога - цагляны.

Гэта адзіны храм у Беларусі, які мае ў плане трохкутную форму.

Чаму трохкутная - ніхто сказаць не можа. З гэтай нагоды вылучаліся розныя версіі: архітэктурныя, шматканфесійныя, эзатэрычныя і нават масонскія...