Навагрудскі район. Возера Свіцязь

На поўдзень ад Навагрудка ў кірунку да Баранавічаў знаходзіцца самае легендарнае возера ў Беларусі - возера Свіцязь.

Плошча вадаёма складае больш за два квадратныя кіламетры. Глыбіня найбольшая дасягае 15 метраў. Даўжыня 1,7 кіламетра, а ў шырыню 1,6 кіламетра. Берагі возера парослыя векавымі дубамі і хвоямі, і пакрытыя мохам. У лесе шмат ягад: суніцы, чарніцы і брусніцы. Сярод дрэў растуць пераважна дуб, бяроза, ясень, клён, елка і асіна.

Ля берага дно пясчанае, або ілістае. З Свіцязі выцякае рака Сваротва. У возеры растуць некаторыя рэдкія віды раслін, якія ўнесены ў Чырвоную кнігу Беларусі. У савецкія часы ў 1970 годзе возера і прылеглая тэрыторыя былі абвешчаныя экалагічным запаведнікам, плошча якога 847 гектараў. На беразе Свіцязі пабудаваны пансіянат "Свіцязь", маецца аформлены і добраўпарадкаваны пляж.

Возера Свіцязь з даўніх часоў цікавіла чалавека, і існуе некалькі звязаных з ім легенд і паданняў. Адно з паданняў абвяшчае, што на дне возера знаходзіцца затоплены горад.

Аб Свіцязе напісана мноства літаратурных і мастацкіх твораў. У тым ліку геніяльны паэт Адам Міцкевіч напісаў паэму пад назвай «Свіцязянка». Паэт Ян Чачот таксама напісаў паэму "Свіцязь", а паэт Тамаш Зан паэму "Свіцязь–возера".

На возера прыязджаў адпачываць вядомы савецкі бард і кінаакцёр Уладзімір Высоцкі, калі здымаўся ў Беларусі на кінастудыі «Беларусьфільм».