Юндзілы. Царква Пятра і Паўла

У Пружанскім раёне, як ехаць з Ружанаў на Слонім па трасе ёсць паварот на права на мястэчка Юндзілы.

За мястэчкам на поўдзень пару сот метраў у пералеску стаіць невялікая драўляная царква Пятра і Паўла.

 Даследчыкі мяркуюць, што назва мястэчка паходзіць ад балцкага слова. У самім мястэчку ёсць брацкая магіла савецкіх воінаў. А паміж Юндзіламі і невялікай вёскай Болты знаходзіцца праваслаўная Пятрапаўлаўская царква.

 Храм узведзены ў 19 стагоддзі ў традыцыях беларускай драўлянай палескай школы. Складаецца храм з двух асноўных частак: малітоўнай залы і трохгранай апсіды. Да галоўнага фасада прыбудаваны невялікі прытвор. У бакавых сценах знаходзіца па два чатырохкутных вакна. Перад царквой зроблена вывысокая двухярусная вежа – званіца, якая трымаецца на чатырох слупах.

Каля царквы ёсць унікальны помнік прыроды і гісторыі – гэта камень – следавік.

 З даўніх часоў на Беларусі такія камяні надзялялі звышсілай і верылі ў іх Боскае паходжане. Паводле падання гэту царквушку пабудавалі тут менавіта дзякуючы гэтаму камню – следавіку на якім лічыцца застаўся адбітак ступні самой Багародзіцы. І яшчэ ёсць народная прыкмета, што тая вада ад дажджу, што збіраецца ў адбітку на следавіку мае лекавыя – гаючыя якасці і ёй можна вылякаваць розныя хваробы. Напрыклад, калі вочы памыць, то пройдзе хвароба вачэй.