Новадзявяткавічы. Капліцы на могілках.

У мястэчку Новадзявяткавічы Слонімскага раёну захавалася некалькі помнікаў архітэктуры і даўніны. Тут захаваліся парэшткі сядзібы роду Слізняў, некалькі гаспадарчых пабудоў і парк з сажалкай, каталіцкі касцёл Пятра і Паўла 18 стагоддзя.

 Побач з мястэчкам знаходзяцца мясцовыя могілкі на якіх ёсць дзве мураваныя каліцы 19 стагоддзя. Адна капліца належыць роду Слізняў, а другая роду Калупайлаў.

 Мураваная капліца ў стылі неаготыкі належыла Калупайлам. Храм цэнтрычны ў плане, васьмігранны, мае стрэльчатыя вокны. У інтэр'еры захавалася жалезная памятная шыльда Людвіга Калупайлы (1803 - 1850). Будынак знаходзіцца ў аварыйным стане: дах праваліўся, вокны і дзверы выламаны.

Побач знаходзіцца мураваная капліца – усыпальніца роду Слізняў. Капліца двухярусная мураваная, мае форму квадрата ў плане. Пабудавана ў «англійскім» стылі, як і палац Слізняў 19 - га стагоддзя. Капліца выконвае ролю ўваходу ў крыпту, а крыпта зараз замурована. Капліца знаходзіца ў аварыйным стане.

 З 17 стагоддзя маёнтакам Дзявяткавічы валодалі Слізні. У пачатку 19 стагоддзя Новыя Дзявяткавічы належылі роду Слізняў, а Старыя Дзявяткавічы – шляхецкаму роду Калупайлаў.