Бусяж. Успенская царква

У мястэчку Бусяж Івацэвіцкага раёна ёсць мураваная праваслаўная Успенская царква. Упершыню Бусяж сустракаецца ў гістарычных крыніцах у 16 стагоддзі ў часы Вялікага Княства Літоўскага. У тыя часы гэта было Навагрудскім ваяводствам Слонімскага павета.

 У 1645 годзе маёнтак быў ва ўладанні Альбрэхта Праслаўскага, а затым  належыў Яну Мялешку, які займаў пасаду маршалка слонімскага. Праз нейкі час маёмасць перайшла да магната Казіміра Льва Сапегі.

Недзе ў гэты час была пабудавана драўляная царква і ў  1773 - 1779 годзе на месцы старога храма пабудавалі мураваную ўніяцкую царкву. Пры храме кожны жнівень улетку праводзіўся кірмаш. Святыня належыла манахам картэзіянцам – гэта ордэн, які быў заснаваны ў 11 стагоддзі. У часы Расійскай імперыі пасля забароны ўніяцтва ў 1839 годзе храм ад уніятаў перадалі праваслаўным вернікам у 1840 годзе. Учас Вялікай Айчыннай вайны помнік быў пашкоджаны.

Царква ўзведзены ў стылі позняга барока. Асноўны аб'ём у плане мае прамавугольнік. Галоўны фасад упрыгожаны фігурным барочным франтонам, валютамі, пілястрамі і мае развіты антамблемент. Над фасадам узвышаецца вежа – званіца. Да асноўнага аб'ёму прыбудавана чатырохгранная апсіда. Інтэр'ер зальнага тыпу. Перад царквой двухярусная мураваная чацверыковая вежа – званіца. Тэрыторыя царквы абнесена мураванай агароджай.