Ляхавічы. Царква Раства Багародзіцы

У Драгічынскім раёне ёсць мястэчка Ляхавічы з праваслаўным храмам. Царква пабудавана ў часы Расійскай імперыі ў 1883 годзе на месцы старой царквы. Упершыню мястэчка Ляхавічы сустракаецца ў гістарычных крыніцах у 15 стагоддзі ў часы Вялікага Княства Літоўскага.

Помнік узведзны ў псеўда – рускім стылі.

 Будынак складаецца з асноўных чатырох частак: прытвор, трапезная, малітоўная зала і апсіда. Над прытворам надбудавана трохярусная вежа – званіца: васьмярык на чацвярыку. Трапезная накрыта двухскатным дахам. Над асноўным аб'ёмам надбудаваны васьмігранны светлавы барабан, які накрыты шматгранным шатром з невялікай цыбулінай.

У інтэр'еры ёсць іканастас і абразы 19 стагоддзя: «Спас Пантакратар», «Маці Божая Адзігітрыя», «Троіца новазапаветная», «Святы Павел», Маці Божая з дзіцём», «Іаан Златавуст», «Раство Багародзіцы», «Зняцце з крыжа», «Васіль Вялікі» і іншыя.

 У гады Вялікай Айчыннай вайны ў царкве жылі нямецкія салдаты. Пасля вайны царква ў савецкія часы не зачынялася. У 1980 – я гады праведзены рамонт будынка. У 2000 – м годзе адрамантаваныя два старых звона і быў набыты новы.