Туры. Капліца на могілках

У Столінскім раёне на раке Гарынь знаходзіцца мястэчка Туры за трыццаць кіламетраў ад раённага цэнтра. З аднаго берага ракі Гарынь размяшчаецца Давід – Гарадок, а з іншага боку Туры. Так што знайсці мястэчка вельмі проста, гэта лічыце прыгарад Давід – Гарадка.

Упершыню Туры сустракаюцца ў гістарычных крыніцах у 16 стагоддзі. Каля маленькай рачулкі Туранка, якая ўпадая ў Гарынь было першая пасяленне мястэчка. Спачатку ўваходзіла ў склад Вялікага Княства Літоўскага і Рэчы Паспалітай, а затым стала часткай Расійскай імперыі. Пасля Рыжскага міру з 1921 па 1939 гады ў складзе Польскай дзяржавы.

 У цэнтры мястэчка Туры размяшчаецца  мураваная праваслаўная Траецкая царква, якую пабудавалі ў 1990 – я гады. Новая царква ўзведзена з цэглы паводле старадаўніх мясцовых традыцый драўлянага дойлідства: прытвор з вежай – званіцай, трапезная, малітоўная зала і апсіда. Вежа – званіца і шматгранны барабан над асноўным аб'ёмам зроблены з дрэва і можа падацца, што старадаўні храм аблажылі сучаснай цэглай.

Тут жа на могілках за  новай Траецкай царквой знаходзіцца старажытная праваслаўная капліца 19 стагоддзя. Капліца з'яўляецца помнікам архітэктуры драўлянага дойлідства. Храм складаецца з двух асноўных частак: прытвор і малітоўная зала. Калі прыедзеце паглядзець помнік, то звярніце ўвагу на старыя дзверы з жалезнымі клямкамі, якія зрабіў калісці мясцовы каваль.