Давід – Гарадок. Музей гісторыі горада

У Давід – Гарадку Столінскага раёна ёсць Давід – Гарадокскі музей гісторыі горада. Музей з'яўляецца філіялам Столінскага раённага краязнаўчага музея.

 Музей быў створаны у 1995 годзе. Экспазіцыя размяшчаецца ў некалькіх залах. У першым зале распавядаецца пра старажытную гісторыю мястэчка, дзе прадстаўлены карты, дакументы, знаходкі і фатаздымкі. У Давід – Гарадку праводзіліся некалькі разоў археалагічныя раскопкі на Замкавай гары ў часы Польскай дзяржавы ў пачатку 20 стагоддзя і ў перыяд Савецкага Саюза. Некаторыя са знаходак прадстаўлены ў экспазіцыі.

У другім зале распавядаецца пра выбітных землякоў гэтага невялікага мястэчка і ў тым ліку пра класіка беларускай літаратуры вядомага паэта Леаніда Дранько – Майсюка. У калекцыі музея ёсць рукапісы і кнігі з аўтографамі аўтараў, фатаздымкі і дакументы.

Трэці зал уяўляе з сябе невялікую мастацкую галерэю, дзе сабраныя карціны мясцовых мастакоў, якія ў сваіх творах адлюстравалі жыццё і прыроду Давід – Гарадокскага краю.  Сярод мастакоў прадстаўлены творы Анатолія Концуба, Валянціны Ціхан, Аляксандра Харашуна і іншых вядомых беларускіх майстроў.

Экспазіцыя музея развіваецца і пастаянна папаўняецца новымі творамі і экспанатамі. Уваход у музей платны.