Таўкачэвічы-1. Гаспадарчы двор сядзібы Грабоўскіх.

       У мястэчку Таўкачэвічы-1 Уздзенскага раёна захаваліся гаспадарчыя будынкі і парк сядзібы Грабоўскіх. Сядзіба вядомая яшчэ з 16-га стагоддзя з часоў Вялікага Княства Літоўскага, і належала магнатам Радзівілам. Потым некалькі гаспадароў памянялася. У 18 стагоддзі ад роду Завішаў перайшло да Грабоўскіх.

             Сядзіба фарміравалася Грабоўскімі ў стылі класіцызму. Грабоўскія тут гаспадарылі больш за стагоддзе. Палац у сядзібе быў драўляны ў форме выцягнутага прамавугольніка. Была ўзведзена драўляная капліца ў 1860 годзе. Была пабудавана і пахавальня роду Грабоўскіх, якая не захавалася да нашага часу.

            Сядзібу атачала высокая каменная агароджа з бутавага каменя. Агароджа была падобная на прыгонную сцяну. Каля палаца была пабудавана стайня. Будынак стайні захаваўся да нашага часу - цагляны аднапавярховы, атынкаваны.

       Захаваўся таксама да нашага часу трохпавярховы каменны свіран. Узведзены будынак у канцы 18-га стагоддзя. Сцены зроблены з камянёў і дробных каменьчыкаў. Будынак выкарыстоўваўся для захоўвання збожжа. А на верхніх паверхах захоўваліся насенне агародных культур. На адной восі з свіранам была аранжарэя з гонтавым дахам і шклянымі бакавымі сценамі.

      На тэрыторыя былой сядзібы захаваўся парк з векавымі дрэвамі і сажалка.