Дудзічы. Гарадзішча ранняга жалезнага веку.

   У мястэчку Дудзічы Пухавіцкага раёна на самай ускраіне ёсць помнік археалогіі старажытнае Гарадзішча. Помнік ставіцца да 5 стагоддзю да нашай эры - 5 стагоддзю нашай эры. Гарадзішча размяшчаецца за 200 метраў на поўдзень ад мястэчка Дудзічы на правым беразе ракі Пціч.

        Помнік знаходзіцца ва ўрочышчы пад назвай Кобань сярод поля. Вышыня Гарадзішча над узроўнем ракі на 3-4 метры. Помнік мае авальную форму і памер 39 на 25 метраў. Гарадзішча раней атачаў абарончы роў, які цяпер амаль не прыкметны.

       Помнік археалогіі быў знойдзены гісторыкам і археолагам, кандыдатам гістарычных навук Юрыем Драгуном (1926-2001). Паводле інфармацыі Драгуна, Гарадзішча раней атачала два вала і абарончы роў.

      Крыху пазней помнік даследавала ў 1985 годзе Таццяна Бубенька, археолаг, кандыдат гістарычных навук. Культурны пласт складае 0,3 метра. У цэнтры Гарадзішча знайшлі млынавы камень. 

      У 19-пачатку 20-га стагоддзя Гарадзішча стала месцам для мясцовых могілак. Тут былі не толькі пахаванні з мястэчка, але тут хавалі сваіх прадстаўнікоў уладальнікі мясцовай сядзібы Ельскія. У цяперашні час могілкі знаходзяцца ў занядбаным стане, акрамя пахаванняў роду Ельскіх.

   У апошнія гады магілы Ельскіх былі добраўпарадкаваныя. Тут захавалася некалькі помнікаў Ельскіх, і ў тым ліку Караля і Станіславы Ельскіх.

Гарадзішча мае статус гісторыка-культурнай каштоўнасці.