Замосце. Парк у сядзібе Ельскіх.

У Пухавіцкім раёне ў мястэчку Замосце захаваўся старажытны парк, які раней быў пры сядзібе вядомага беларускага роду Ельскіх.

          Першапачаткова ў часы Вялікага Княства Літоўскага ў 18 стагоддзі маёнтак у Замосце належыў роду Прозараў. З 1785 года Замосце і суседняе мястэчка Дудзічы перайшло да роду Ельскіх. Першым гаспадаром тут быў Станіслаў Ельскі, а потым яго сын Караль Ельскі.

        У Замосці сядзіба была пабудавана ўжо ў часы Расійскай імперыі ў 1860 – я гады. Будаваў сядзібу Аляксандр Ельскі, які быў малодшым сынам Караля. Аляксандр атрымаў маёнтак у Замосці ў 1857 годзе. Пасля смерці Аляксандра маёмасць перайшла да яго сына Яна з 1916 года.

        Сядзіба была ўзведзена на беразе ракі Пціч. Сядзіба складалася з гаспадарскага дома, фруктовага сада, парка з вадаёмамі і гаспадарчыя пабудовы, якіх налічвалася больш за дзясятак.

      Гаспадарскі палац меў прамавугольнік у плане. Будынак драўляны, аднапавярховы, узведзены на высокім цокалі. Накрыты будынак быў гонтавым дахам. Парадны фасад аформлены порцікам з чатырма калонамі. У палацы меліся калекцыя старажытных карцін, гравюр і бібліятэка. У палацы была зроблена капліца. Да палаца праз фруктовы сад вяла ўязная алея. Па краю сядзібы была яшчэ адна алея з топаля. Каля палаца быў невялікі пейзажны парк. У парку было два невялікіх пруда.

      У 1864 годзе  А. Ельскі стварыў у палацы музей старажытнасцей і бібліятэку: 20 тысяч рукапісаў і дакументаў, 7 тысяч кніг, 1 тысяча гравюр, нумізматычная калекцыя, археалагічныя знаходкі. У калекцыі карцін былі творы сусветнавядомых мастакоў: Рубенса, Веранэзэ, а таксама беларускіх мастакоў – Яна Дамеля, Апалінарыя Гараўскага, Валенція Ваньковіча і іншых.

       Перад Першай сусветнай вайной калекцыі былі вывезены ў Кракаў. Да нашага часу захаваўся часткова пейзажны парк і пруд. Ёсць фатаздымкі палаца і капліцы, інтэр'ераў будынка.