Асака. Царква Раства Багародзіцы.

       У мястэчку Асака Пухавіцкага раёна пабудавана драўляная праваслаўная царква Нараджэння Прасвятой Багародзіцы. Мястэчка ўпершыню сустракаецца ў гістарычных крыніцах у часы Вялікага Княства Літоўскага ў 18 стагоддзі. 

         У 1730 годзе Асака належала магнатам Агінскім. Пасля другога падзелу Рэчы Паспалітай у 1793 годзе ўвайшло ў склад Расійскай імперыі. З 1793 года ў складзе Ігуменскага павета Мінскай губерні.

         У 1800 годзе ў мястэчку меліся карчма, царква і вадзяны млын. У сярэдзіне 19-га стагоддзя належала шляхецкаму роду Уніхоўскіх. У 1886 годзе налічвалася 326 жыхароў і 38 двароў.

         З 1887 года ў мястэчку адкрылася школа па навучанні граматы, дзе вучылася 16 дзяцей. У канцы 19-га стагоддзя знаходзілася ў складзе Дудзіцкай воласці Ігуменскага павета. У 1897 годзе ў мястэчку была царква і хлебны магазін.

         У часы Першай сусветнай вайны ў 1918 годзе пад нямецкай акупацыяй кайзераўскіх войскаў. У 1919 годзе ўвайшла ў склад Савецкай Беларусі. У 1919-1920 гадах пад польскай акупацыяй. З 1920 года ўвайшла ў Савецкую Беларусь.

       У часы Расійскай імперыі ў мястэчку была пабудавана праваслаўная царква Раства Багародзіцы. У 1881 годзе была знішчана пажарам старая драўляная царква. Новы храм пабудавалі праз пару гадоў у 1883 годзе. Пасля рэвалюцыі ў савецкія часы зачынена ў 1930-я гады.

        Будынак пачалі рамантаваць у 2008 годзе. Пакуль што храм на стадыі аднаўлення. Храм узведзены ў стылі народнага драўлянага дойлідства. Складаецца з двух асноўных архітэктурных частак: бабінец і малітоўная зала. Маецца бакавая сакрысція.