Смаляны. Царква Святога Аляксея

У 1864 годзе ў Смалянах на ўскраіне мястэчка была пабудавана з чырвонай цэглы царква ў гонар Святога Аляксея. Храм з'яўляецца помнікам архітэктуры рэтраспектыўна – рускага стылю. І пабудавана па тагачасным канонам з 4 частак: Званіца, трапезная, малітоўная зала і трохгранная апсіда. Царква мае дзве вертыкальныя дамінанты: двухярусная чатырохгранная званіца, завершаная шатром і сферычны купал на васьмігранным светлавым барабане над чатырохсхільным дахам, які знаходзіцца над цэнтральным кубападобным аб'ёмам. На фасадах маюцца высокія арачныя аконныя праёмы. Побач з царквой з левага боку знаходзіцца капліца – пахавальня мясцовых дваран Цітовых, у якіх тут у Смалянах быў калісці маёнтак. Да нашага часу засталіся толькі гаспадарчыя будынкі і парк. Капліца каля царквы невысокая, чатырохгранная з крыптай – пахавальняй. Пахаванні разрабаваныя. Захавалася ў капліцы падлога, вылажаная каляровай пліткай з узорам. Царква і капліца знаходзяцца ў аварыйным стане.