Смаляны. Касцёл Дзевы Марыі.

Мястэчка Смаляны мае векавую гісторыю і да нашага часу тут захавалася некалькі помнікаў архітэктуры. Калі вы будзеце вандраваць, то лепш сваю машыну пакінце на былой ганлёвай плошчы, дзе зараз прадуктовая крама і аўтрбусны прыпынак. І зрабіце пешаходную вандроўку па Смалянам. Адразу за крамай вы бабачыце вежы касцёла. Гэта над мястэчкам узвышаецца касцёл Дзевы Марыі. У 1680 годзе уладальнікі Смалянаў магнаты Сангушкі фундавалі касцёл і кляштар каталіцкага ордэна дамініканаў. Першыя збудаванні былі драўляныя. А мураваны касцёл і кляштар узвялі толькі ў сярэдзіне 18 стагоддзя ў стылі позняга барока. У часы Расійскай імперыі ў 19 стагоддзі быў зачынены кляштар, які паступова пачаў прыходзіць у заняпад. А ў савецкія часы зачынілі і касцёл і ў яго памяшканні уладкавалі машына – трактарную станцыю. Касцёл пабудаваны ў стылі позняга віленскага барока – трохнефная двухвежавая базіліка з трансептам. Галоўны фасад хвалісты з нішамі для скульптур. Вежы шматярусныя паміж якімі знаходзіцца фігурны франтон. У касцёле ёсць сутарэнні. Касцёл і кляштар на сённяшні момант у занядбанні і патрабуюць тэрміновай рэстаўрацыі. У апошнія гады архітэктурны комплекс абнесены заборам.